A vicepresidenta terceira do Goberno e ministra de Transición Ecolóxica e Reto Demográfico, Teresa Ribera; o ministro da Presidencia, Félix Bolaños; e a ministra de Defensa, Margarita Robles, serán números dous, tres e catro, respectivamente, da lista do PSOE por Madrid e acompañarán nos primeiros postos ao presidente e secretario xeral do PSOE, Pedro Sánchez, nas eleccións xerais do próximo 23 de xullo, segundo fontes socialistas. A última palabra sobre as candidaturas do PSOE para o Congreso e o Senado tena o Comité Federal do partido, que ratificará as listas na súa reunión do próximo sábado 10 de xuño, un día despois de recibir o ditame da Comisión Federal de Listas, e tras as propostas formuladas ao longo desta semana en cada territorio.
37