Este venres coñecéronse os primeiros nomes dos posibles candidatos para suceder a Boris Johnson: o ex ministro de Economía, Rishi Sunak, o presidente do comité de Asuntos Exteriores da Cámara dos Comúns, Tom Tugendhad, e a avogada xeral do Estado, Suella Braverman.
Rishi Sunak exerceu como titular de Economía do Goberno británico desde febreiro de 2020 ata o pasado martes cando presentou a súa dimisión, xunto con outros altos cargos como o Ministro de Saúde, Sajid Javid, para forzar a saída do Goberno de Boris Johnson.
Tom Tugendhat, pola súa banda, é un deputado con dobre cidadanía británica e francesa e exmilitar crítico coa xestión do Goberno a crise de Afganistán do pasado xaneiro, cando xa expresou a súa intención de presentarse a unhas primarias se o primeiro ministro, Boris Johnson, perdese entón unha moción de confianza interna.
A avogada xeral do Estado, Suella Braverman, tamén anunciou nunha entrevista a ITV que sería «unha honra» ser a próxima líder ‘tory’. Braverman pedira días antes a renuncia de Johnson tras a onda de dimisións, aínda que ela non abandonou o seu cargo.