36
Romanía condena o ataque ruso contra portos ucraínos no Danubio, moi preto da súa fronteira. Os ataques, perpetrados con drons iranianos, tiveron como obxectivo os portos de Ismajil e Reni. Polo menos catro almacenes de gran, depósitos de aceite e combustible e, un edificio administrativo sufriron danos, segundo Kiev. Seis persoas resultaron feridas.
O presidente romanés, Klaus Iohannis, dixo, vía Twitter, que «esta escalada recente supón riscos serios para a seguridade no mar Negro. Tamén dificulta aínda máis o tránsito de cereais ucraínos e a seguridade alimentaria global».
Tras o fin do acordo do gran, mediado pola ONU e Turquía, os portos do Danubio presentáronse como un posible roteiro alternativo ao corredor do mar Negro.