‘Rosa Caramelo e outras historias’, de Talía Teatro, chega este venres a Carnota

• A función está enmarcada dentro do programa ‘Contos para merendar’

Este venres, o salón de actos do Concello de Carnota acollerá a obra Rosa Caramelo e outras historias, de Talía Teatro, dentro do programa ‘Contos para merendar’. Será a partir das 17:00 horas. A programación concluirá o próximo venres, día 22, da man de Os contos de Pablísimo e o espectáculo O arquivo do Chibo. 

Destinado a todos os públicos a partir dos catro anos, será necesario inscribirse previamente enviando un mail a cultura@carnota.gal ou chamando á biblioteca municipal a través do teléfono 981106331.