32
A Policía Nacional investiga un roubo de material sanitario no hospital Montecelo de Pontevedra por valor duns 600.000 euros. Segundo fontes da investigación, os feitos ocorreron na noite do sábado ao domingo no servizo de Dixestivo do centro. A porta de acceso, da que teñen chave varias persoas, non estaba forzada. Fontes da investigación indicaron que os feitos ocorreron nun espazo similar a un ‘box’. A Área sanitaria de Pontevedra-O salnés denunciou o roubo de varios endoscopios e dun procesador.