Así o puxo en valor durante a entrega do XVII Premio Familia Empresaria de Galicia, organizado pola Asociación Galega de Empresa Familia, e que este ano recaeu no grupo farmacéutico Zendal, pertencente á familia Fernández Álvarez-Santullano. O mandatario galego estivo acompañado pola conselleira de Economía, Industria e Innovación, María Jesús Lorenzana, do conselleiro de Sanidade, Julio García Comesaña, e da conselleira de Promoción do Emprego e Igualdade, Elena Rivo. Rueda erixiu como exemplo dos valores deste modelo de empresas por representar “responsabilidade e arraigamento á terra” nun mundo “tan complicado e competitivo” como a biotecnoloxía. Lembrou que Galicia é un dos polos de biotecnoloxía en España e Europa e advertiu que isto non é produto da “casualidade”, senón da contribución do traballo e esforzo de empresas galegas, como o Grupo Zendal, que apostan pola investigación e polo I+D e son capaces de “marcar tendencia”.
0