Foi este venres durante a Ofrenda ao Apóstolo Santiago, na que actuou como delegado rexio. No seu discurso na Catedral, Rueda pediu ao Apóstolo, «recuperar a credibilidade e a lexitimidade de organizacións e institucións» no país. O presidente galego pídelle ao Apóstolo Santiago «inspiración e acerto para todos os gobernantes para centrarnos con determinación no que de verdade importa: as necesidades das persoas» e fai un chamamento a construír unha Galicia «próspera». Na misa estiveron, entre outros, o presidente do Parlamento galego, Miguel Ángel Santalices Vieira; o delegado do Goberno en Galicia, Pedro Blanco; e o presidente do Partido Popular, Alberto Núñez Feijóo. Previamente, na Praza do Obradoiro, a alcaldesa de Santiago, Goretti Sanmartín, participou no saúdo ás autoridades.