Polo menos 11 mortos en ataques rusos en varias zonas de Ucraína, incluída a capital, Kiev, e Zaporiyia. Outras once persoas resultaron feridas. Os ataques con drons e mísiles rusos estendéronse por once rexións, con 35 edificios danados, segundo o balance provisional. As sirenas de alerta antimísiles soaron en todas as rexións de Ucraína. Na capital, miles de persoas buscaron refuxio en estacións de metro. Os ataques levaron a cortes de enerxía de “emerxencia” en Kiev e outras rexións, tras ser “golpeadas” instalacións enerxéticas. Este ataque masivo prodúcese un día despois de que varios países occidentais anunciasen a entrega de tanques ao Exército ucraíno. Segundo a Forza Aérea de Ucraína, 47 dos 55 mísiles disparados por Rusia foron derrubados.
0