Este feito sorprendeu á cidadanía, que se pregunta como pode ocorrer no medio da invasión deste país a Ucraína. Os expertos explican que esto é parte da rotación de países que forman o organismo. O Consello de Seguridade da ONU está composto por 15 países membros, e cada membro ten un voto. Segundo a Carta das Nacións Unidas, todos os Estados membro están obrigados a acatar as decisións do Consello. Cada membro se turna na presidencia, que se rota cada mes por orde alfabética, segundo a lingua inglesa. A última vez que Rusia ocupou a presidencia foi en febreiro do ano pasado, o mes en que invadiu a Ucraína.
O 23 de febreiro deste ano, a Asemblea Xeral da ONU esixiu a retirada inmediata de Rusia do país, de acordo coa Carta das Nacións Unidas. Na continuación da súa undécima sesión extraordinaria de emerxencia, o organismo mundial adoptou unha nova resolución que esixe o fin da guerra. Os resultados foron 141 Estados membro a favor e sete en contra: Bielorrusia, República Popular Democrática de Corea, Eritrea, Mali, Nicaragua, Rusia e Siria. Entre as 32 abstencións atopábanse China, India e Paquistán.
Rusia ten previsto celebrar a principios de abril unha reunión informal do Consello de Seguridade da ONU sobre «a situación real» dos nenos ucraínos levados a Rusia, un asunto que cobrou maior protagonismo tras a orde de detención da Corte Penal Internacional contra Vladímir Putin por crimes de guerra relacionados co seu presunto secuestro.