A ofensiva rusa no leste de Ucraína segue o patrón das súas operacións de guerra/ utilizar pequenas unidades para levar a cabo ataques dispersos ao longo de múltiples eixos no canto de tomarse as pausas necesarias para preparar operacións decisivas – segundo a análise do Instituto para o estudo da guerra.
O xefe dos ferrocarrís ucraínos declarou que cinco estaciones de tren foron atacadas este luns no oeste e o centro de Ucraína, incluídas as rexións de Leópolis e Vinnytsya. No leste: As forzas rusas adicionais están a despregarse para reforzar os ataques infrutuosos na fronte de Izyum, xa que as forzas ucraínas repeleron os limitados ataques rusos desde Izyum cara a Slovyansk e Kramatorsk nas últimas 24 horas. As operacións ofensivas rusas realizaron aquí pequenos avances ao redor de Severodonetsk.
Debido aos intensos bombardeos, «case toda a rexión de Lugansk está sen subministración de auga», dixo Serhiy Hayday, xefe da administración militar rexional, e engadiu que 30.000 familias estaban sen electricidade.
O Ministerio de Defensa británico afirma que Rusia está a planear un referendo escenificado na cidade sureña de Jerson para xustificar a súa ocupación.