Vladímir Putin, ordenou un aumento dos efectivos das forzas armadas nun 13%, é dicir, 137.000 militares máis. O decreto non explica se se recrutará a máis xente, se serán voluntarios, ou unha combinación de ambas as cousas. O Kremlin mantén que os soldados que polo momento acudiron á fronte están contratados e, ademais, foron voluntariamente. Pola súa banda, a Duma pediu o xoves aos países occidentais que deixen de fornecer armas pesadas a Ucraína. A cámara mantén que ese armamento usouse para mutilar a persoas e crear un risco de ameaza nuclear ao bombardear a central de Zaporiyia. Un tribunal ruso ordenou o xoves a posta en liberdade do ex alcalde de Ekaterimburgo Yevgeny Roizman detido o mércores por criticar a guerrra de Rusia en Ucraína. Roizman ten prohibido usar internet, así como acudir a eventos públicos ou relacionarse con ninguén que non sexa o seu avogado ou os seus familiares próximos. O exalcalde enfróntase a unha pena de 3 anos de prisión.
38