A capital de Ucraína, Kiev, sufriu na madrugada e a mañá do mércores un novo ataque ruso con drons de fabricación iraniana.
O alcalde da cidade, Vitali Klitschkó, informou de explosións no distrito de Shevchenkivi, onde se sitúan os edificios administrativos, históricos e universitarios. «Os servizos seguen operativos», dixo o alcalde.
Informouse tamén de que os rusos lanzaron «dúas ondas» de drons, e que 13 foron abatidos. Os restos caeron e danaron un edificio administrativo e catro residenciais, sen vítimas.
O ministro de Asuntos Exteriores, Dmytro Kuleba, advertiu de que Rusia podería estar a preparar unha gran ofensiva para comezos de 2023.