O Comité de Instrución de Rusia (CIR) confirmou este domingo que se identificou o cadáver do que foi o líder da compañía de mercenarios Wagner, Yevgueni Prigozhin, e os dos outros nove falecidos no sinistro do seu avión, ocorrido o pasado mércores.
Segundo o CIR, a identidade dos ocupantes do avión foi confirmada polas análises comparativas de ADN. As causas do sinistro seguen baixo investigación.
«No marco da indagación do accidente aéreo na rexión de Tver, completáronse os exames de xenética molecular. Segundo os seus resultados, establecéronse as identidades dos 10 falecidos, que corresponden á lista que figura na folla de voo», explicou a voceira do Comité de Instrución de Rusia Svetlana Petrenko.
Os seguidores de Wagner denuncian a derriba deliberada da aeronave como resposta á traizón de Prigozhin ao presidente ruso Vladímir Putin, aínda que esto aínda non se puido comprobar.