A compañía estatal rusa Gazprom asegura que cesa a subministración a Letonia por incumprimento de contrato ao «violar as condicións de retirada do gas». É a última escalada na disputa enerxética entre Rusia e a Unión Europea. Gazprom xa cortara a subministración anual de gas a clientes de Alemaña, Bulgaria, Dinamarca, Finlandia e Países Baixos. O anuncio de Gazprom prodúcese xusto un día despois de que a empresa enerxética letona Latvijas Gaze anunciase que compraba gas á veciña Rusia, a través dunha empresa mediadora e que pagaba en euros. A principios deste mes, o Parlamento letón votou a favor dunha proposta para prohibir a subministración de gas ruso a partir de xaneiro de 2023.