Luns negro para as infraestruturas civís ucraínas, que foron obxectivo dunha nova choiva de mísiles rusos en resposta ao suposto ataque á súa Frota do Mar Negro o pasado sábado. Os ataques deixaron ao 80% dos habitantes de Kiev, a capital do país, sen auga corrente. O día a día da poboación civil é cada vez máis difícil e doloroso, e non todos o levan igual de ben. Segundo o parte de guerra diario do Ministerio de Defensa ruso, “todos os ataques lograron o seu obxectivo”. O exército ucraíno responde que 44 dos 50 mísiles lanzados por Rusia foron derrubados. Un deles caeu en territorio moldavo. Xa hai centos de localidades sen auga e electricidade en toda Ucraína e achégase o inverno. Se nada cambia, unha nova onda de refuxiados se cerne sobre o horizonte europeo, pero esta vez os que saian non serán nin os máis novos nin os que teñen recursos.
22