O Ministerio de Xustiza ruso designou a ‘Radio Free Europe/Radio Liberty’ (RFE/RL) como “organización indesexable”, o que imposibilita que o medio opere en Rusia e expón a calquera que traballe ou colabore con el a pena de prisión.
O letrado Maksim Olenichev sinala que os usuarios tamén se ven afectados pola nova designación, dado que as autoridades poden agora perseguirlles simplemente por compartir contido de RFE/RL en redes sociais.
Para o presidente de RFE/RL, Stephen Capus, a etiqueta demostra que o Kremlin considera o reporterismo e a información independente como “unha ameaza existencial”. Capus tamén indicou nun comunicado que “este intento de sufocarnos só fará que RFE/RL traballe máis duro para levar o xornalismo libre e independente ao pobo ruso”.
Non é probable que a medida afecte o público fóra de Rusia, posto que Interpol non podería aplicar ningunha solicitude rusa de extradición en base ao artigo sobre organizacións “indesexables”, ao consideralo un tipo de persecución política.