Segue aumentando a tensión diplomática entre Rusia e Alemaña, Rusia expulsou do país a dous diplomáticos alemáns en resposta á decisión de Alemaña de declarar «persoa non grata» a dous funcionarios da embaixada rusa en Berlín. Na orixe desta crise, o chamado «asasinato de Tiergarten», supostamente encargado por Moscova.
A semana pasada, un tribunal alemán condenou a cadea perpetua ao ruso Vadim Krasikov por asasinar a plena luz do día en 2019 en Berlín a un comandante checheno. O xuíz considerou probado que o asasino actuou seguindo instrucións dos servizos secretos rusos.
Moscova rexeitou a acusación que considera «gratuíta» e «afastada da realidade». O home asasinado, Zelimjan Jangoshvili, foi comandante dunha milicia contra Rusia durante a segunda guerra de Chechenia e en 2016 solicitara asilo en Alemaña.