Rusia viola o cesamento do fogo de Mariúpol e bombardea un hospital infantil

Así o denunciou o presidente de Ucraína, asegurando que aínda hai nenos baixo os entullos e volvendo esixir o peche do espazo aéreo para poñer fin ás atrocidades. O vídeo compartido por Volodímir Zelensky mostra corredores alegremente pintados sementados de metais retortos, unha habitación tras outra coas xanelas rebentadas e os chans cubertos de entullos. No exterior, os coches esnaquizados arden e polo menos tres edificios de dúas plantas resultaron afectados. O concello dixo que os danos eran «colosais». A Cruz Vermella di que a cidade, na costa do Mar de Azov, sofre un asedio «apocalíptico». Mentres, o avance do Exército ruso continúa no leste e o sur, aínda que moito máis lentamente do esperado por algúns fallos loxísticos.