A Asociación Socio-Pedagóxica Galega organizou o XXIV Concurso de relato oral Tíralle da lingua, dirixido á comunidade educativa, co obxectivo de normalizar o uso oral do galego e contribuír a que este idioma se converta en instrumento normal de comunicación e creación de historias no ámbito escolar. Os participantes poderán contar historias en galego, de base popular, de base literaria ou de creación propia, durante un tempo máximo de cinco minutos.
A alumna de 4º da ESO Sabela Nogueira Imia, acadaba o primeiro premio neste concurso, na modalidade de 2º Ciclo de ESO e Postobrigatorio.