- A Axencia Española de Medicamentos e Produtos Sanitarios (AEMPS) autorizou 32 ensaios clínicos con medicamentos para tratar a máis de 26.000 persoas en diferentes hospitais de todo o territorio
O ministro de Sanidade, Salvador Illa, anunciou na súa comparecencia na Comisión de Sanidade e Consumo do Congreso dos Deputados, un aumento da capacidade de realización de PCR en España: «No últimas tres semanas, conseguimos pasar das 20.000 PCR diarias a entre 40.000 e 47.000, segundo o consumo estimado que nos proporcionan as comunidades autónomas». Desde o inicio da crise e ata o día 13 de abril, a cifra total de PCR realizas en España é de 930.230.
«Este aumento de capacidade foi posible grazas ao traballo realizado polo Instituto de Saúde Carlos III, que validou 8 novos centros de investigación e universidades, e xa son 13 centros validados para facer PCR, así como ao esforzo das comunidades autónomas», subliñou Illa. A esta cifra hai que sumar, os dous millóns de test rápidos distribuídos xa en todo o territorio e outros tres millóns que se entregarán nos próximos días.
O ministro de Sanidade fixo fincapé en que «as probas de PCR son a peza fundamental da estratexia diagnóstica, aquí e no resto de países» pero aclarou que «de forma complementaria, estamos a utilizar os test de diagnóstico rápido de detección de anticorpos porque co seu uso conseguimos ampliar a capacidade diagnóstica».
Estes test rápidos permiten cribar os casos positivos en colectivos de alta prevalencia dunha forma rápida e segura e, de forma global, conséguese aumentar a capacidade de diagnosticar á cidadanía mediante PCR. Salvador Illa resaltou no Congreso o traballo realizado polos profesionais de Atención Primaria durante a pandemia: «Reorganizáronse para atender os casos leves en domicilio e seguir activamente por teléfono ás persoas con maior vulnerabilidade, coidando da súa saúde e evitando complicacións que requirisen ingresos».
Avances en investigación científica
Respecto a os avances en investigación científica o ministro lembrou que «é unha cuestión prioritaria para o Goberno porque somos plenamente conscientes de que a vitoria definitiva sobre o virus virá da súa man». Así, explicou que ata o momento a Axencia Española de Medicamentos e Produtos Sanitarios (AEMPS) autorizou 32 ensaios clínicos con medicamentos para tratar a máis de 26.000 persoas en diferentes hospitais de todo o territorio. Ademais, a AEMPS forma parte do ensaio «Solidariedade» da OMS, que en todo o mundo tratará a máis de 100.000 pacientes.
A iso únese que, de forma conxunta co Ministerio de Ciencia e a través do Instituto de Saúde Carlos III, ata o momento xa se recibiron máis de 1.300 proxectos que están a ser avaliados para acceder ao Fondo COVID19.