Salvador Illa interveu este sábado no Comité Federal que se celebra en Barcelona, a só uns días de que comece a campaña das eleccións catalás do 14 de febreiro, o vindeiro venres. Illa non concretou cando deixará de ser ministro e só sinalou que «en poucos días farei de candidato do PSC e envorcareime nesa tarefa». Dáse por seguro que abandona Sanidade antes do venres para dedicarse á campaña, segundo confirman fontes do Goberno. Prometeu esmero e unha dedicación ao “101%” e fixouse como meta ser o candidato non só dos militantes socialistas, senón de todos aqueles que queren unha “Catalunya sen desquites” e que queren “pasar páxina e queren avanzar” despois destes últimos dez anos de procés. Salvador Illa anunciou que presentará en breve unha lista de profesionais dos ámbitos económico, sanitario e social.