39
Fontes de Salvamento Marítimo informaron do traslado dun home de nacionalidade rusa, de 46 anos, que sufriu unha caída dende unha altura considerable no buque tanque no que traballa a 43 millas ao noroeste de Cabo Touriñán.
A pesar das diversas contusións e dunha ferida na cabeza, o afectado atópase consciente. A voz de alerta deuse ás oito e media deste domingo polos compañeiros do ferido, que foi trasladado no helicóptero Helimer 401 ao aeroporto de Alvedro e dende alí en ambulancia ao Complexo Hospitalario Universitario da Coruña.