O presidente do Goberno, Pedro Sánchez, aceptou este luns a petición do líder do PP, Alberto Núñez Feijóo, para reunirse «ao máis alto nivel institucional e político», un encontro que estaría á marxe da rolda de contactos para a súa investidura e que ten como fin «achandar un camiño novo na política española».
O vicesecretario de Cultura e Sociedade Aberta do PP, Borja Sémper, avanzou que Feijóo chamará a Sánchez: «Cremos que chegou o momento de contactar co candidato da segunda formación para avanzar na estabilidade, nas reformas, nas medidas económicas… pensando no interese xeral», dixo Sémper.
Na súa opinión, «é fundamental que a política estea presidida pola moderación, que escape e fuxa de extremismos», e neste sentido destacou a «responsabilidade» que teñen ambos os partidos para buscar a estabilidade e a gobernabilidade deste país, concluíu.