0
O presidente do Goberno, Pedro Sánchez, foi moi crítico coa moción de censura, cualificada de “estrambótica” que presentou Vox na súa contra, un “numerito” cuxo único obxectivo é “interromper a acción lexítima” do Executivo. E foi igualmente crítico co PP por pasar dun “decente non” na moción de Vox de 2020 á “indecente abstención” na actual e ver “tan responsable” como Santiago Abascal do “dano” que a moción fai a España. Sánchez instou a visualizar como serían os dous últimos anos cun Goberno de PP e Vox e acusou ao candidato da moción, Ramón Tamames, de “branquear” Vox, un partido que non ten máis proxecto que o “odio”: “Non creo que esta fose a mellor idea que tivo na súa vida”, concluíu.