20
O presidente do Goberno, Pedro Sánchez, anunciou este martes a construción de 20.000 novas vivendas públicas de alugueiro asequible en terreos propiedade do Ministerio de Defensa. Trátase dunha cifra que, sumada aos inmobles mobilizados da Sareb, os financiados con créditos do Instituto de Crédito Oficial (ICO) e os proxectados anteriormente polo Ministerio de Transportes, elevará ata as 183.000 as vivendas sociais que habilitará o Goberno nos próximos anos. Este foi o terceiro anuncio en materia de vivenda en apenas unha semana, despois de que o Goberno pechase un pacto con ERC e Bildu para desbloquear a tramitación da lei de vivenda tras dous anos de ‘tiras e afrouxas’ entre os socios da coalición.