«No nome de España, no interese de España, en defensa da convivencia entre españois, defendo hoxe a amnistía en Cataluña polos feitos acaecidos na década pasada», dixo o presidente do Goberno en funcións e tamén secretario xeral do PSOE, Pedro Sánchez, na súa intervención este sábado entre unha ovación pechada dos dirixentes socialistas.
«Hai que facer da necesidade virtude. É a única vía posible para que haxa Goberno en España e non haxa repetición electoral», engadiu Sánchez durante o Comité Federal do seu partido no que os socialistas aprobaron unha consulta á militancia para avalar os pactos con varios grupos parlamentarios, entre eles Junts e ERC, para a súa investidura.