- Pedro Sánchez, participou este xoves e venres no Consello Europeo de Versalles no que os 27 abordaron a brutal invasión de Ucraína por parte da Federación Rusa.
O presidente do Goberno sinalou que xa hai un amplo consenso entre os Estados membros da UE que conflúen cara ás posturas españolas sobre a necesidade de intervir o mercado da enerxía. España ten un mix enerxético onde un 45% da produción eléctrica procede de enerxías renovables, que son altamente competitivas, baratas, limpas e que garanten a autonomía enerxética. España, cunha subministración diversificada, con Alxeria e EE.UU. como principais subministradores, non depende do gas ruso, desde onde o noso país só importou o 8,7% en 2021.
España non se verá afectado pola falta de subministración xa que conta con 6 das 24 plantas de regasificación de Europa, aínda que España si se ve afectada xa pola subida do prezo da enerxía debido ao impacto do conflito de Ucraína nos mercados internacionais.
Outro dos temas abordado foi o das materias primas e o seu impacto nos prezos da alimentación. Ucraína é un dos maiores exportadores mundiais de trigo, millo e cereais para a alimentación do gando. Por iso, a proposta española, os 27 solicitaron á Comisión Europea a presentar, canto antes, opcións para abordar o aumento dos prezos dos alimentos e o problema da seguridade alimentaria mundial.