O presidente do Goberno en funcións, Pedro Sánchez, e a líder de Sumar, Yolanda Díaz, acordaron este mércores «acelerar» as negociacións para alcanzar este mesmo mes de outubro un acordo para un goberno de coalición. Fixérono durante a reunión que ambos mantiveron no marco dos contactos para a investidura do secretario xeral do PSOE, que recibiu o encargo do rei este martes. Eso si, Sumar deixou claro que aínda existen «diferenzas importantes» sobre os avances que fan falta en dereitos sociais e laborais.
O encontro, co que Sánchez iniciou a súa rolda de contactos para lograr apoios á súa investidura e que comezou ás 10.00 da mañá, durou unha hora e cuarto e celebrouse no Congreso. Tras a reunión, compareceron a voceira do PSOE, Pilar Alegría, desde Huesca, e o secretario de Estado de Dereitos Sociais, Nacho Álvarez, para dar conta do contido da mesma.