- Ambos líderes políticos reprocháronse «non querer negociar»
Din que á terceira vai a vencida, pero neste caso non resultou así. Quinta reunión entre o presidente do Goberno en funcións, Pedro Sánchez, co líder de Unidas Podemos, Pablo Iglesias; e quinto fracaso nas negociacións para a investidura de Sánchez como presidente do Goberno español.
Segue sen haber un acordo para desbloquear a investidura, cuxo debate comezará en menos de dúas semanas, e desta vez ambos líderes políticos reprocháronse «non querer negociar». Sánchez pon en dúbida a lealtade de Unidas Podemos, mentres que estas afirman que o líder dos socialistas a nivel nacional vai a repetir eleccións se non é capaz de obter os apoios necesarios.
Segundo fontes socialistas, na reunión Pablo Iglesias pediulle ao actual presidente en funcións a vicepresidencia do Goberno, algo que negan desde Podemos.
A vicesecretaria de Organización do PSOE, Adriana Lastra, manifestou nunha nova rolda de prensa a negativa de Pablo Iglesias ante a oferta programática do partido socialista, sinalando que semella que ao líder de Unidas Podemos lle interesan máis os nomes que os contidos.