Sánchez e Torra iniciarán a mesa do diálogo este febreiro

O presidente do Goberno, Pedro Sánchez_Fonte: @desdelamoncloa

  • Sánchez apoia un maior autogoberno, pero Torra insiste na autodeterminación

O presidente do Goberno, Pedro Sánchez, e o catalán, Quim Torra, mantiveron unha reunión este xoves no Palau da Generalitat na que se acordou encabezar unha mesa de negociación entre ambos gobernos durante este mes para tentar canalizar o conflito catalán. Mentres que Sánchez avoga por máis autogoberno, Torra insiste na autodeterminación, polo que seguirá demandando un referendo pactado.

No encontro, que daba comezo pasadas as 12:00 e que durou hora e media, Sánchez fixo entrega ao president da «axenda de reencontro», conformada por seis eixos e 44 puntos, na que se aposta pola «desxudicialización da política», pola reforma do sistema de financiamento autonómico, a supresión dos aforamentos para cargos políticos ou a mellora no investimento en materia ferroviaria.

Torra recoñeceu que non leu o documento e criticou que todas esas cuestións poden resolverse nun Consello de Ministros.