O presidente do Goberno, Pedro Sánchez, apelou este xoves á «unidade de todos» para superar a pandemia e a crise derivada dela, definida como «longa carreira», e lanzou unha clara mensaxe á oposición, en concreto ao PP, ao que pediu «elixir entre o camiño da recuperación que xa iniciou España ou seguir na crispación», subliñando que «unha oposición destrutiva» no momento histórico que vive o mundo «non ten lugar».
Tras sacar peito da súa xestión á fronte do Executivo e colocar a España a «medalla de ouro» na vacinación, Sánchez asegurou cumprir xa cun 38,2% dos compromisos adquiridos e activado o 94%, e vinculou ao principal partido da oposición coa «parálise» e o «rancor», fronte ao avance e o entendemento que, segundo dixo, é marca do seu Goberno. “Pese ao tempo excepcional que estamos a vivir, o Goberno avanza. Apostamos por avanzar e non perder o tempo atrapados na parálise», insistiu.