O PSOE apoia a proposta de ERC para que o presidente do Goberno, Pedro Sánchez, compareza cada dous meses ante o pleno do Congreso mentres dure o estado de alarma e informe da evolución da segunda onda da pandemia. O presidente do Goberno pediulle ao líder do PP, Pablo Casado, o seu apoio ao estado de alarma coa proposta de que o Consello Interterritorial de Saúde o revise en catro meses, o vindeiro 9 de marzo, para levantar a medida en caso de que sexa posible. Casado volveu tender a man para lograr un acordo. “Por min non vai quedar”, dixo, aínda que lle reclamou “rectificar e ser humilde” e “abandonar los pactos” cos “radicais”.