O presidente do Goberno, Pedro Sánchez, reuniuse este sábado na Moncloa coa presidenta da Comisión Europea, Ursula Von der Leyen, para abordar a situación en Ucraína tras a invasión da Federación Rusa, e os seus efectos económicos, así como a seguridade enerxética e a defensa da Unión Europea. Durante a súa intervención Von der Leyen destacou que España é un «socio crave» para a presidencia da Comisión Europea.
O Goberno de España, ante a grave crise humanitaria xerada por esta guerra, ofreceu a «absoluta dispoñibilidade» para acoller refuxiados. A presidenta da Comisión, que destacou que xa hai máis de 1.200.000 persoas que fuxiron da guerra, agradeceu a España a súa solidariedade para acoller a refuxiados, como fixo tradicionalmente cando foi necesario. O presidente do Goberno e a presidenta da Comisión Europea, que abordaron o enorme impacto económico do conflito.
En particular, falaron sobre como a escalada sen precedentes do prezo da enerxía está a afectar ás economías familiares, as PEMES, as industrias e á inflación. Ambos coincidiron na «urxencia de tomar medidas de calado no ámbito enerxético, tanto desde o punto de vista da subministración como dos prezos».