A Asociación de empresarios de Santa Comba está a traballar duro este outono para a celebración de dous eventos de relevancia consolidada que son os que se celebran este mes de novembro na capital da comarca do Xallas, do 8 ao 10 de novembro está a ter cabida unha nova edición da Feira de Outono no recinto feiral da localidade, onde máis de 70 establecementos de diversas actividades ofrecen os seus produtos e servizos a prezos para todos os petos, destacar tamén a colaboración da Asociación Costavales.
De seguido Ruta de Tapas
Durante dúas fins de semana dende o venres 15 ao domingo 24 de novembro celebrarase a undécima edición da Ruta de Tapas #santacombadetapaentapa. O evento tamén está organizado pola Asociación de Empresarios de Santa Comba e desta volta participan 10 locais onde se poderá degustar a tapa a un módico prezo de 1,50€ máis a consumición, con premios para os tapeadores.
Os locais participantes son os seguintes:
-A Calenda
-A Taberna do Meu Compadre
-Café Bar A Nosa Vila
-Cafetería Rafael
-Cafetería Talladas
-Cervecería D’Mara
-Cervecería Triskel
-Hotel Xallas
-Restaurante O Novo Salgueiro
-Restaurante Tío Paco