O parque Luís Seoane de Santa Cruz (Oleiros) acolleu este mércores a inauguración da XXIX edición de Alfaroleiros. O acto contou coa participación do vicepresidente da Deputación da Coruña, Xosé Regueira, o alcalde de Oleiros, Ángel García Seoane, o coordinador institucional de ABANCA, José Manuel Vilariño, e a concelleira de Cultura, Normalización lingüística, Ensino e Xuventude, Mª José Santos Zas.
O vicepresidente Xosé Regueira destacou a tradición de Alfaroleiros “un dos eventos máis importantes de cantos se fan coa olaría como protagonista en toda a península ibérica” e defendeu a importancia deste oficio artesán.
O alcalde de Oleiros, Ángel García Seoane, deu a benvida ao municipio aos oleiros de toda a península que durante esta semana exhibirán e venderán o seus produtos artesáns e agradeceu a colaboración da Deputación para apoiar esta feira de olería.