41
A vicepresidenta de Asuntos Económicos, Nadia Calviño, anunciou este martes que Santiago de Compostela acollerá, en setembro de 2023, o primeiro cumio de ministros de Economía e Finanzas da Unión Europea, América Latina e O Caribe.
Calviño apuntou que este encontro informal, organizado por España e CAF, reunirá sesenta responsables económicos «de ambas as dúas beiras do Atlántico».
O cumio enmárcase na presidencia europea do Consello da Unión Europea, no segundo semestre de 2023, e ten o obxectivo de «estreitar as relacións comerciais e os lazos xeopolíticos» entre Europa, América Latina e O Caribe, así como «reforzar as pontes» en temas clave como a transición verde, o crecemento inclusivo ou a transformación dixital.