Sanxenxo recibirá a visita do rey emérito a vindeira fin de semana

Será o regreso a España de Juan Carlos I tras case dous anos residindo en Abu Dhabi. Unha decisión que este xa anticipara tras o arquivo das investigacións abertas contra el pola fiscalía do Tribunal Supremo, e que este domingo consensuou nunha chamada telefónica co seu fillo Felipe VI. Fontes próximas a Juan Carlos I apuntan que esta será unha visita breve, á que podería seguir unha nova viaxe dende Abu Dhabi en xuño.