O chanceler alemán Olaf Scholz avogou este sábado por unha maior autonomía militar da UE e a coordinación dos esforzos militares. Scholz tamén pediu reformas radicais na Unión Europea para a admisión de novos países membros. «É bo que haxa máis membros na Unión Europea se queremos defender os nosos valores nun mundo que pronto terá dez mil millóns de persoas. Unha UE de 27, 30 ou 36 estados con máis de 500 millóns de cidadáns libres e iguais pode achegar o seu peso con máis forza neste mundo.», declarou o chanceler alemán, Olaf Scholz.
Scholz recibiu o venres ao presidente do Goberno español, Pedro Sánchez, e ao primeiro ministro portugués, António Costa, para tratar a situación da subministración enerxética na UE, así como o futuro do gasoduto Midcat. Os tres líderes son partidarios da construción dunha interconexión enerxética transpirenaica, que afronta, con todo, as reticencias do presidente francés, Emmanuel Macron.
37