Seat centrarase en novos proxectos de I+D, especialmente na fabricación de coches eléctricos, e na renovación de equipos e instalacións nas plantas de Martorell, en Barcelona e na de compoñentes, do Prat de Llobregat. A compañía, do Grupo Volkswagen, anunciou este mércores que asumirá a produción de novos proxectos para asegurar o emprego e o futuro da empresa.
Carsten Isensee, director xeral de Seat declarou:»Necesitamos protexer e promover para atraer os investimentos necesarios para desenvolver vehículos eléctricos. Para electrificar a España necesitamos máis infraestrutura e volume de carga. Noutras palabras, debemos estimular a venda de coches eléctricos».
Seat cre que pode ter listo o seu primeiro coche eléctrico en 2025 na súa fábrica de Martorell. O director xeral de Seat recalcou que o proxecto será posible se os poderes públicos apoian a industria automobilística. Seat pediu axuda das administracións públicas tanto de Cataluña como do goberno central. De feito na presentación do proxecto os responsables da empresa aseguraron que sen axuda «sería moi difícil fabricar un vehículo eléctrico en España».