Pedro Sánchez e Yolanda Díaz tentarán despexar as dúbidas sobre a crise da reforma laboral na xuntanza que se celebrará este martes na Moncloa. Nela tamén estarán presentes Nadia Calviño e outros tres ministros: os titulares de Facenda, Seguridade Social e Educación.
Díaz está nun momento no que tenta afianzar o liderado nun espazo político á esquerda do PSOE e Sánchez traballa por dotar de estabilidade a lexislatura ata 2023.
Neste contexto, Nadia Calviño marcaba territorio na fin de semana desde o cumio do G-20: «Estivemos vendo cal é o mellor mecanismo de coordinación dentro do Goberno para asegurarnos de que o Goberno ten unha posición única e fala cunha soa voz».
Calviño propón falar cunha soa voz e fixaba catro puntos clave para buscar un consenso con sindicatos e empresarios: «Simplificación de contratos, cunha redución da temporalidade, unha axeitada redución das subcontratas, un reequilibrio das partes no ámbito da negociación colectiva e, en último lugar, o establecemento dun mecanismo permanente de flexibilidade interna das empresas».