O Deportivo non pasou do empate ante o Compostela (0-0) no estadio Vero Boquete de San Lázaro. Partido correspondente á xornada 2 de Segunda B da tempada 2020-21. E vendo como se desenvolveu o encontro, pode darse por satisfeito co resultado. Horrible partido dos herculinos, que nunca tiveron o control, nin coa pelota nin sen ela. Nacho tivo a mellor ocasión cun disparo afastado, pero os locais terminaron o partido na área de Carlos Abad. Fernando Vázquez repetiu once no Vero Boquete e insistiu con Nacho e Borges tratando de acompañar a Bergantiños como interiores. Os branquiazuis non tiveron o balón. Tampouco o querían. O problema foi que ademais non foron capaces de roubalo en campo contrario. O Compos volveu saír con forza na segunda parte e atopou o camiño á área en dúas ocasións, pero de novo apagáronselle as luces. Os cambios do técnico local, Yago Iglesias, déronlle o empuxe final aos santiagueses e non levaron o encontro por pouco.
45