19
A programación musical do departamento de Cultura da Deputación da Coruña volve o 18 de xuño ao Teatro Colón, onde Seso Durán presentará, ás 20 horas, o seu disco «Son da memoria», un disco de rock folk escrito arredor do que aconteceu tras o golpe de xullo de 1936. Centrado nas vítimas, nos verdugos, nos lugares, no cable eléctrico que conecta pasado e presente, o disco aposta por recuperar a memoria e ten un marcado acento de denuncia. O repertorio complétase con cancións inéditas e coa interpretación da Pregaria de San Simón, con texto escrito por Eduardo Pantaleón, preso na Illa de San Simón durante a guerra. A entrada é de balde e os convites xa se poden retirar na web do teatro.