37
O dianteiro do Barcelona Lionel Messi dedicou a todo o vestiario azulgrana a Bota de Ouro que lle acredita como o máximo goleador das ligas europeas da tempada 2018-19, e destacou que, sen os seus compañeiros, non conseguiría ningunha das seis que xa ten no seu poder. Messi quixo agradecer a axuda do equipo, representado no acto por Luís Suárez e Jordi Alba, na consecución do galardón. «Luís (Suárez) e Jordi (Alba) son dous grandes culpables de que hoxe poida recibir este premio un ano máis. Sen o meu equipo, sen os meus compañeiros nunca podería conseguir nin sequera un. Aínda que me toca recollelo a min, é un recoñecemento para todo o vestiario», afirmou o ’10’ do Barça.