Stellantis volve a parar as liñas de produción desde este luns pola falta de semicondutores

A empresa informou que o Sistema 1, onde se ensamblan os Peugeot 301 e 2008 e o Citroën C-Elysée, parará as súas quendas de mañá, tarde e noite dende o luns 7 de marzo. A previsión é volver a partir do luns 14 ás 6:00 horas. Ao longo da semana informarase de se a quenda de fin de semana traballa ou non. O sistema 2, que monta as furgonetas das diferentes marcas do grupo, anula a actividade de todas as súas quendas desde o día 7 de marzo e ata o luns día 14. Stellantis manifesta que segue a sufrir a falta de aprovisionamento de determinados compoñentes e semicondutores necesarios para os seus automóbiles.