35
Importante suba dos positivos na área sanitaria de Santiago-Barbanza este domingo, con 67 casos novos. A maioría dos positivos son asintomáticos e fan a corentena nas súas casas. Con todo, estos positivos obrigaron a baixar a reixa en moitos comercios e locais de hostalería, ben por teren algún positivo no persoal ou ben como precaución para evitar novos contaxios. En canto aos gromos no resto da área sanitaria, o da Baña suma este domingo dous novos positivos, serían 16 os casos activos. O gromo de Santa Comba, con 34 casos, e o de Negreira, con 12, mantéñense estables. En toda a área sanitaria fixéronse máis de 50 mil probas PCR.