Sudáfrica acusou a Israel de xenocidio ante a Corte Internacional de Xustiza da Haia pola súa guerra en Gaza. No primeiro dos dous días de vistas orais, os avogados de Sudáfrica falaron dun “excesivo número de vítimas mortais”. Máis de 23.200 persoas -o 70% mulleres e nenos- faleceron e calcúlase que hai aínda máis de 7.000 persoas atrapadas baixo os entullos.
Tamén describiu o risco de fame negra e inanición entre a poboación de Gaza. Sudáfrica explicou que os gazatíes non poden acceder a alimentos nin a subministracións médicas vitais debido aos continuos bombardeos e á negativa de Israel a permitir a entrada de suficiente combustible, auga ou alimentos no enclave. “Cada día, máis de dez nenos palestinos sufrirán a amputación dunha ou ambas as pernas, moitos deles sen anestesia”, apuntou Blinne nin Ghralaigh, avogada de Sudáfrica.
Pero eso non é todo. “Cada día, ao ritmo actual, unha media de 3.900 fogares palestinos serán danados ou destruídos, cavaranse máis fosas comúns, arrasaranse e bombardearán máis cemiterios e destruiranse e exhumarán violentamente cadáveres”, insistiu a avogada.
A sentenza podería tardar anos, polo que Sudáfrica pide á Corte Internacional que ordene medidas provisionais para obrigar a Israel a permitir un maior acceso humanitario aos civís e a poñer fin á súa campaña militar.