39
Suecia decidiu solicitar oficialmente a súa entrada na OTAN. Anunciouno a primeira ministra sueca, a socialdemócrata Magdalena Andersson, tras unha reunión extraordinaria do seu Goberno e un debate parlamentario. A decisión de Suecia chega só un día despois de que Finlandia, outro país europeo tradicionalmente neutral, anunciase a súa petición formal de entrada na OTAN. Estocolmo e Helsinqui deixaron así atrás a súa política de non aliñación, que no caso sueco levaba en pé máis de dous séculos. A invasión rusa de Ucraína fixo aumentar o temor nos dous países nórdicos a un posible ataque de Moscova e fixo crecer a porcentaxe da poboación favorable á adhesión á Alianza.