Suíza aproba elevar ao 15% o imposto ás grandes multinacionais

Suíza elevará ao 15% o imposto de sociedades para as grandes multinacionais, segundo o resultado a favor obtido nun referendo exposto polo Goberno e cuxas urnas pecharon este domingo. A medida foi aprobada por cerca do 80% de votantes, o que permitirá que Suíza aplique a reforma da imposición das multinacionais en consonancia co pactado coa Organización para a Cooperación e o Desenvolvemento Económicos (OCDE) e o G20, tras a crise financeira de 2008. Así, prevese unha taxa mínima de 15% sobre os beneficios dos grupos cuxas cifras de negocios superan os 750 millóns de euros. Nesa categoría recae un centenar de empresas suízas e miles de filial de grupos estranxeiros.