Suíza aprobou en referendo o matrimonio entre persoas do mesmo sexo. O 64 % dos votantes pronunciáronse a favor desta iniciativa, que permitirá ás parellas do mesmo sexo, entre outras cousas, adoptar fillos e ter acceso ás técnicas de reprodución asistida, no caso das mulleres. Coa excepción do partido de dereita radical UDC e de certos grupos e sectores relixiosos, o resto das formacións políticas apoiaban a iniciativa, impulsada polo Partido Verde. Suíza convértese así no trixésimo país do mundo en aceptar o matrimonio entre persoas do mesmo sexo e sae do pequeno grupo de países de Europa occidental que aínda non o legalizaron, no que aínda seguen Italia, Grecia e Liechtenstein, aínda que nos tres existen figuras legais que recoñecen estas unións.
37