A vicepresidenta segunda do Goberno e líder de Sumar, Yolanda Díaz, anunciou que o próximo 23 de marzo celebrarase a asemblea fundacional do seu partido, despois de que este domingo se configurou o grupo promotor do movemento que «se encargará de tecer un país mellor». Así o dixo Díaz nun acto celebrado en Madrid baixo o lema ‘Imos a máis’, no que tamén participaron o ministro de Cultura e voceiro de Sumar, Ernest Urtasun; a responsable de Sanidade, Mónica García; o ministro de Dereitos Sociais, Consumo e Axenda 2030, Pablo Bustinduy, e a titular de Mocidade e Infancia, Sira Rego. O grupo promotor de Sumar, constituído por un centenar de persoas ten o «reto de pensar e imaxinar unha vida diferente», segundo dixo Díaz, que encabeza a executiva deste equipo, na que tamén están os ministros Mónica García, Ernest Urtasun e Sira Rego, ademais de Íñigo Errejón, Elizabeth Duval ou Enrique Santiago.